कृयाकलाप ६.३ः आफ्नो सुधार (PDSA) चक्रमा प्रतिविम्बन वा चिन्तन गर्नुहोस्
तपाईँले आफ्नो विद्यालयमा समावेशीकरण परीक्षण गर्नुभयो । समावेशीकरणसँग सम्बन्धित सुक्ष्म समस्या पहिचान गर्नु भयो । उक्त सुक्ष्म समस्याको सम्भावित कारणहरु पनि विश्लेषण गर्नुभयो । त्यसपछि तपाईले कूनै एउटा कारणलाई सम्बोधन गर्ने योजना बनाउनु भयो र सो योजनालाई कार्यान्वयन गर्नुको साथै त्यसको प्रभावबारे पनि अध्ययन गर्नुभयो ।
तपाईँले विद्यालयमा सुधार (PDSA) चक्रको कार्यान्वयन गरेपछि तपाईँले सिक्नु भएका तथा वास्तविक अनुभवहरु बारे चिन्तन गर्दै आफ्नो सिकाई जर्नलमा एउटा छोटो अनुच्छेद लेख्नुहोस् ।
तपाईँले आफ्नो विद्यालयमा लागू गर्नुभएको समावेशीकरणका गतिविधिहरुबारे सोच्नुहोस् र त्ससबाट भएको सिकाईलाई तपाईको सिकाइ जर्नलमा महत्वपूर्ण बुँदाहरु टिपोट गर्नुहोस् । उक्त टिपोट लेख्ने क्रममा निम्न प्रश्नहरुको उत्तर पनि दिदै जानुहोस् ।
- तपाईँले पहिचान गर्नु भएको समावेशीकरणका चुनौती के थियो ? ( योजना / PLAN)
- तपाईँले आफ्नो विद्यालयमा के परिवर्तन गर्नु भयो ? (कार्य / DO)
- तपाईँले गर्नुभएको कार्य सफल भयो वा भएन भनेर तपाईले कसरी थाहा पाउनु भयो ? (अध्ययन / STUDY)
- के तपाई उक्त परिवर्तनलाई जारी राख्न चाहनु हुन्छ वा रोक्नु हुन्छ र अरु नयाँ प्रयास गर्नुहुन्छ ? (कार्यन्वयन / ACT)
- सुधार चक्रलाई अनुसरण गर्दै, सो अनुरुप परिवर्तन वा सुधार गर्ने उद्देश्यका साथ विभिन्न काम गर्दा के तपाईलाई सहज भएको थियो ? कि तपाईलाई धेरै गाह्रो भएको थियो ? अर्को पटक गर्नुपर्यो भने तपाईले कस्तो फरक योजना बनाउनुहुन्छ ? वा कुन चरणमा के कुरा फरक तरिकाले गर्नुहुन्छ ? तपाईले विद्यालयमा गर्नुभएकोरल्याउनुभएको सुधारबाट विद्यालयका सरोकारवालाहरुलाई (शिक्षकहरु, अभिभावकहरु, शिक्षक–अभिभावक संघ, विद्यालय व्यवस्थापन समिति र समुदायका अन्य व्यक्तिहरु) के कुरा सुनाउन वा भन्नुहुन्छ ?
विद्यालयमा सुधारका प्रयास गर्दा तपाईले सोचे जस्तो वा गर्न खोजेको परिवर्तन भएन भने पनि तपाई चिन्ता नलिनुहोस् । तर तपाईँले ती काम निकै ध्यानपूर्वक र महत्व दिएर गरेको हुनुपर्छ । तपाईले अन्य समयमा पनि सूधार चक्र (PDSA Cycle) लागू गर्न सक्नुहुनेछ । तपाईले पहिलो सूधार चक्रमा कार्य गरिसकेपछि त्यसबाट सिकेर पछि गरिने सुधार चक्रहरुको कार्यलाई थप परिमार्जन गर्दै लैजान सक्नुहुनेछ ।